一)佛浪哥出品 : 搽左好似皮膚會飲水咁。勁呀!我有個朋友聽左就話:「如果皮膚會飲水,食屎都會痾飯!」
二)又係佛浪哥出品︰「飲o左可以廿四小時做運動」咁真係好啦,o的運動場可以唔駛要o羅!如果係咁!唔知做廿四小時運動會唔會好辛苦o架呢?真係想試o下!
三)隱形化裝︰就好似國皇的新衣一樣,當你個女朋友問你︰「睇唔睇到我今日有無化裝呢?」,你真係唔知點答,因為係你面前o既佢,仍然好像個豬扒,問你死未?
四)3D 立體廚櫃︰呢個又係一個好勁o既發明(至少o係個字眼上!)當我睇到呢個廣告時,我不其然想到我屋企用緊果個廚櫃,唔知會唔會係
2D o既平面廚櫃。但睇來睇去我屋企個廚櫃都 最少有三面 wo...我真係開始迷惑了...
點解o的產品通常一改個好勁o既口號,o的人就會立即去買o黎試下,佢地完全唔會理會事物本身的本質,要飲水唔該走去部水機度飲啦!要做運動得閒就去做尖或者運動場跑o下步,或者而家趁你老細睇唔到,即刻起身做的簡單o既運動好過啦!
香港人,吾好再咁豬兜得唔得!