| 第一幕 （拉闊收聽）
|
| 旁白︰
| o係好耐好耐之前既秦代，當時o既皇帝，變態暴虐，殺人如麻，草菅人命，攪到民眾怨聲載道，呼天搶地。
不過，自從陳勝，吳廣揭竿起義之後，六國貴族，聞風而起，其中最出名o既起義領袖就係項羽同劉邦。而我o地就係想講出項羽既一生……
|
| 音樂
|
| 項梁︰
| 羽仔，你都成十三歲仔啦，仲係未定性。我項梁真係無o的咁無用o既侄仔呀。上次教你讀書，你幾日之後就連o的書都掉埋。今次教你練劍呀，你就連劍都當埋？！你究竟想點呀？
|
| 項羽︰
| 讀書最多都係可以背聖賢經典，而練劍最多只可以同幾個人對打。我要學o的係同萬人敵o既！
|
| 項梁︰
| 係有諗頭 wor！好，等我翻箱倒篋，搵幾本兵書你睇……
|
| 第二幕
（拉闊收聽）
|
| 旁白︰
| 光陰似箭，日夜如梭，轉眼間項羽已經廿四歲啦。而家佢係一個出色o既大將。
|
| 項羽︰
| 唉…………
|
| 范增︰
| 項羽將軍，你做咩咁唔開心呀？自從陳勝吳廣起義之後，你伯父征戰四方，與秦軍對抗。 雖然佢戰死沙場，但你亦打敗秦軍o既主力，總算為佢報o左仇。佢泉下有知，都應該好欣慰o既……
|
| 項羽︰
| 多謝你，你永遠都係我o既好軍師……
|
| 音樂
|
| 范增︰
| 大王，有件事唔講就唔講，不過講開又講。你知唔知當今世上，唯一可以同你匹敵o既，只有劉邦一個呀！
|
| 項羽︰
| o下！？莫非就係o個個好色貪財o既劉邦呀？
|
| 范增︰
| 大王，今時唔同往日呀！自從進入關中之後，佢錢又唔要，女人又唔玩，佢o既野心都唔少。一定係有陰謀o既！ 我諗佢係想同你爭天下呀！
|
| 項羽︰
| 咁……點算呀？
|
| 范增︰
| 大王，不如派人暗中殺死佢，先下手為強嘛！
|
| 項羽︰
| 好！等我就派人帶定刀槍劍，誓要劉邦下台，失盡人心！
|
| 項伯︰
| 嘩！好彩我急夜尿經過項羽o既帳幕聽到o者！我老友張良係幫劉邦手，佢今次咪死硬！？唔得！我項伯唔係一個 出賣朋友o既人，我要去通風報訊，叫張良走佬先！
|
| 鏡頭一轉
|
| 張良︰
| 哼！我張良唔係一o的貪生怕死o既人，要死就一齊死！因為愛國無罪嘛！等我靜靜雞話比劉邦知先！
|
| 張良︰
| 咁…………咁…………咁……
|
| 劉邦︰
| o我！原來係咁………
|
| 張良︰
| 係呀！咁………咁……
|
| 劉邦︰
| 項伯！多謝你替我擔心，我跟本無反叛項羽o既意思。我叫兵士守關，只係防止盜賊，根本唔係想稱王o既… 如果唔信，我聽日就同你去鴻門見劉邦啦！
|
| 第三幕
（拉闊收聽）
|
| 劉邦︰
| 真係對唔住，有一o的人竟然想破壞你同我o既關係。
|
| 項羽︰
| Hey.....唔好咁天真啦！等我聽日開一個酒宴，代表我o地雙方關係正常化，不醉無歸！
|
| 第四幕
（拉闊收聽）
|
| 旁白︰
| 酒宴進行時，范增見劉邦毫無懼色，屢次打眼色，叫項羽殺劉邦。可惜項羽視若無睹，於是范增找項羽o既堂弟o既堂弟項莊來對他說︰
|
| 范增︰
| 喂！你堂哥都心軟唔想殺劉邦，不如你等陣借o的椅話表演劍術，然後趁機殺o左佢！
|
| 項莊︰
| o我！o拿，大家剩係美酒佳餚都唔係好夠，等我耍兩招「華山劍法」，俾大家助o下興哩？唏！空翻加轉體360度，再o黎一招慢起倒立。嘩！
呢招叫做「蒼松迎客」（嘩！我擋！）再o黎一招「白龍戲水」（嘩！我又擋！）再o黎…
|
| 張良︰
| 嘩！唔得 wor！等我叫駕車o既樊噌入o黎先得…喂！樊噌，咁咁咁……咁咁咁……
|
| 樊噌︰
| 豈有此理啊！待我拿個大盾，跟項羽評評道理啊！
|
| 項羽︰
| 這是甚麼人？
|
| 張良︰
| 這是替沛公駕車的樊噌。
|
| 項羽︰
| 好一個壯士！來人，賞他一杯好酒，一件豬腿！
|
| 樊噌︰
| 謝謝大王呀！（o習…）
噢！將軍為甚麼你想謀害沛公啊？沛公這次入關中，沒有將美女財寶據為己有，有阿房宮不住，只在軍營中天天等著你來噢！這樣勞苦功高，不但沒有做成關中王，反而差點版將軍你謀害，
真是沒有道理啊！這樣殺害忠臣，是走秦朝的舊路；我真替將軍你擔心啊！
|
| 項羽︰
| A……壯士唔好咁嬲，只不過是一場誤會之嘛，請坐請坐。人來，給我再拿一隻豬腿俾呢位壯士。
|
| 張良︰
| 劉邦，我諗請勢不妙，都係走為上著。等我叫樊噌護送你走。
|
| 旁白︰
| 於是劉邦就藉口上廁，同樊噌由小路回到自己o既灞上啦！張良親眼見佢地走o左，就番去營地同項羽講啦︰
|
| 張良︰
| 大王，沛公飲醉o左酒，已經由樊噌陪同返番灞上啦！佢分咐我送比你佩玉一塊，送比亞父o既白壁一對，全部都係千山萬水，長途拔涉帶o黎o既一級壁玉。少少意思，唔成敬意。我諗我都要告辭喇，再見。
|
| 范增︰
| 哼！激死我喇！等我掟爛你！（o彭！）豈有此理！項大王真係心軟喇，咁點成大事呢？將來得天下o既，非劉邦莫屬啦，我地等做奴隸啦！
|
| 第五幕
（拉闊收聽）
|
| 旁白︰
| 此次失敗o既行動，就係後世所津津樂道o既「鴻門宴」啦！鴻門宴之後無幾耐，項羽殺子嬰，火燒阿房宮，最後殺楚懷王而自立西楚霸王。佢將劉邦封o左去巴蜀地方做漢中王。後來劉邦擺明車馬，與項羽作對。而項羽節節得勝，項羽見自己軍備同糧草不足，欲與劉邦一決雌雄，但劉邦話︰
|
| 劉邦︰
| 我只會同你鬥智，唔會同你鬥力o既！。
|
| 旁白︰
| o係劉邦呢一種拖延戰術之下，項羽銳氣漸失，劉邦o既心腹愛將韓信節節得勝，逼到項羽放回劉邦o既妻子同父親。最後議定以鴻溝為界，各自退兵。可惜劉邦撕掉和約，大舉進攻，項羽反而好鎮定咁話︰
|
| 項羽︰
| 我咁英明神武，氣宇牽昂，精悍之色猶見於眉間，等我訓多一晚，肯定可以突圍而出。（鼻韓聲……）
|
| 音樂 — 楚國歌聲
|
| 項羽︰
| 咦？點解係漢軍營地入面，會有陣陣楚歌聲o既？唔通漢軍已經打敗o左我o地？如果唔係又點會有咁多楚國人？
|
| 散仔︰
| 大王，唔點喇！我軍大部份人都已經自行散去o喇！
|
| 項羽︰
| o下？點解會咁o架？
|
| 散仔︰
| 佢地聽到o的楚歌，個個都思念家鄉，於是偷偷地返晒屋企食飯啦！
|
| 項羽︰
| 唉！我一生戰無不勝，竟然比一個劉邦用攻心計，唱到我十萬大軍走剩八百幾人。唉，我都諗唔到咩o野辦法喇，余姬呀余姬，我應該點做o丫？
|
| 余姬︰
| 大王，我陪你走遍四方，你走到邊我跟到邊，而家到o左咁o既田地，我都無話可說喇！
|
| 項羽︰
| 唉……（音樂 — 一無所有）
|
| 項羽︰
| 「力拔山兮氣蓋世，時不利兮騅不逝；騅不逝兮可奈何，余兮余兮奈若何？」
|
| 余姬︰
| 大王，「漢兵已掠地，四面楚歌聲，大王意氣重，賤妾何聊生？」大王，與其生響世界上作為你o既包袱，不如我死o左佢啦！（呀！）
|
| 項羽︰
| 唉……人o黎，大家一齊衝出重圍啦！
|
| 旁白︰
| 項羽心痛之餘，帶住八百兵士，衝出重圍去到塢江，只係剩得二十幾人。正所謂留得青山在，那怕無柴燒。但佢本來有機會重組實力，東山再起，但係佢咁話︰
|
| 項羽︰
| 天要亡我，點解我重要逃走呢？當年我帶住八千江東弟子打天下，而家全部都死晒，即使第時佢地再擁護我，我都無面目再見江東父老啦！（呀！）
|
| 音樂 — 幾分傷心幾分痴
|
| 旁白︰
| 項羽死o個陣時只係卅一歲，無幾耐劉邦就統一中國，建立漢朝，史稱漢高祖。
|
| 人物鳴謝
（拉闊收聽）
|
